Австралија: Жедна коала запрела велосипедист

Група велосипедисти и` помогнале на една коала, застанувајќи за да и` дадат да се напие вода од шише. Една од велосипедистите, Ана Хојслер на Инстаграм ја постираше трогателната сцена во видео, како очајното животно се искачува на еден од велосипедите за да успее да повлече поголема голтка. Велосипедистите возеле на температура од 40 степени Целзиусови  кога ја забележале коалата.

Сликите се впечатливи, но случката ја покажува и опасноста за егзистенцијата на овие животни предизвикана од актуелната ситуација со пожарите во  Австралија.  Најмалку 2.000 коали угинаа во големите шумски пожари, некои во огнот, а некои од глад и дехидрација, соопшти екологистот Делиан Паг.