Европа во потрага по лек за коронавирусот

Во Европа почнуваат клинички тестови за четири експериментални методи за лекување на Ковид-19. Во тестови со 3200 лица се применети ремдесивир, лопинавир, како и ритонавир со или без активните суптанции интерферон бета и хидроксилорокин, соопшти француската државна лабораторија Инсерм.

Тестовите се изведуваат со пациенти од Франција, Германија, Белгија, Луксембург, Холандија, Шпанија и Велика Британија кои се инфицирани со коронавирусот и се наоѓаат во болница.

Генералниот директор во француското министерство за здравство, Жером Саломон, изјави дека лековите се тестираат „под стриктен надзор“. Тој, со оглед на големите последици од пандемијата на коронавирусот, додаде дека е „многу важно да се направи нешто брзо во вакви услови“.

Повеќе:

Нигеријците во редици по лекот кој Трамп го препорача против коронавирус

Коронавирус: Конфузија околу лековите, што да се користи?

Лек за коронавирус од антитела на излечени пациенти

Коронавирус: Брзото тестирање е најдобра заштита

Тестирањата се одвиваат под името „ Discovery“ (откритие, н.з.). Саломон соопшти и дека под раководство на Светската здравствена организација се вршат и други клинички тестирања под името „ Solidarity " (солидарност, н.з.). Досега не е дадена дозвола за ниту еден лек за третман на новото белодробно заболување.

Според податоци на американскиот Универзитет Џон Хопкинс, во светот со коронавирус се заразени 324.000 луѓе, а починале 14.400.