Изборна победа на Токаев во Казахстан

Вршителот на должност претседател на Казахстан, Касим-Жомарт Токаев, победи на вонредните претседателски избори во земјата, потврди денеска казахстанската изборна комисија. Токаев освои 70,8 отсто од гласовите, а на второ место е Амирџан Косанов со 16,2 насто.

Изборниот ден вчера го обележаа протестите во Нурсултан и во Алмати и се уапсени 500 демонстранти кои тврдат дека изборите не биле слободни и фер.

Победата на 66-годишниот дипломат од кариера беше очекувана, затоа што имаше поддршка од поранешниот претседател Нурсултан Назарбаев (78), кој владееше во Казахстан од стекнувањето на независност на земјата во 1991 година.

Повеќе:

-Казахстан: И по Назарбајев - Назарбајев?

Назарбаев во март изненадно поднесе оставка на местото претседател, но остана клучна фигура во политичкиот живот во земјата. Токајв вети дека ќе го продолжи патот на својот ментор, Назарбаев.

Одзивот на изборите беше 77,4 насто.