Фотографија на денот: Аптека-автомат

Во местата во Германија каде најблиската аптека е далеку, со вакви „Дигитални собирни места за рецепти“, на пациентите треба да им се помогне најбрзо што е можно. Веднаш штом рецептот ќе биде скениран, аптеката го има на екран и ги испраќа лековите до пациентот. Освен тоа, пациентот преку автоматот има можност и да воспостави директен контакт со аптеката и да нарача и лекови кои не одат на рецепт. Во Германија засега законски не е можно лекови да се добиваат со притисок на копче, како во Холандија. Таму има можност пациентот да воспостави видео-чет со аптекарот, а тој со притисок на копче да му ги даде лековите на лице место.