Кога возовите стојат – штрајк на германските машиновозачи

Келнската железничка станица, веднаш покрај познатата катедрала: оваа жена ќе има време да го разгледа градот. Зашто, во Германија од ноќта во понеделникот почна штрајк на машиновозачите, кој трае до денес. Вози само секој четврт брз воз. Машиновозачите преку еден од нивните синдикати бараат зголемување на платите за 1,4 проценти за оваа и уште 1,8 проценти за идната година, како и еднократна премија од 600 евра. Германските железници досега ја одбиваат посебно таа премија. Некои од граѓаните имаат разбирање за барањата на машиновозачите, но не и многумина летувалци кои се враќаат дома, а посебно огорчени има меѓу луѓето кои секојдневно патуваат до своето работно место во друг град.