Експлозија во џамија во Пакистан

Причините за експлозијата во џамијата во Пешавар сѐ уште не се познати. Полицијата не исклучува самоубиствен напад. Досега никој нема преземено одговорност за експлозијата.

Во времето на експлозијата, според наводи на пакистанските власти, во џамијата имало околу 260 верници. Многу од жртвите, како што се вели, се полициски службеници собрани во џамијата на пладневна молитва. Џамијата се наоѓа во објект во којшто се наоѓа и седиштето на полицијата во таа провинција, како и оддел за борба против тероризмот, изјави шефот на полицијата во Пешавар, Ијаз Кан. Дел од објектот е урнат и се претпоставува дека под урнатините има уште жртви.

Во март годинава атентатор самоубиец на џихадистичката милиција Исламска држава изврши напад врз џамија на шиитското малцинство во Пешавар и притоа уби 64 луѓе. Тоа беше најтежок напад во Пакистан од 2018 година.

На крајот на минатата година пакистанските талибанци, кои дејствуваат независно од исламистичката талибанска влада во Авганистан, прогласија прекин на огнот со владата во Исламабад. Оттогаш презедоа одговорност за повеќе напади.