Што е „Петто годишно време“?

Во многу области на Германија, терминот „Петто годишно време“ се однесува на неделите во кои се прославува карневалот - односно периодот од 11 ноември до таканаречената Среда пепелница, која во актуелната карневалска сезона за паѓа на на 5 март наредната година. Денеска, значи како и впрочем секоја година, на 11.11 во 11 часот и 11 минути во многу места во Германија, во прв ред во Рајнската област, ќе започне тоа „Петто годишно време“.

Мнозинството Германци велат дека можат добро да објаснат што значи овој термин. 59 отсто го кажале ова во анкетата на институтот за истражување на јавното мислење ЈуГов, објавена во петокот. Според сопствената проценка, една петтина (20 проценти) од анкетира не можат добро да го направат тоа. Повеќе од еден од десет (14 проценти) испитаници  изјавиле дека никогаш не слушнале за „Петтото годишно време“.

Терминот најчесто не значи ништо за младите: во возрасната група од 18 до 24 години, 22 отсто од анкетираните го кажале ова. Меѓу најстарите испитаници (55 плус), 63 проценти рекле можат добро да го објаснат терминот.