Апсења поради експлозијата на Керчкиот мост

Руската тајна служба ФСБ соопшти дека во врска со експлозијата на Керчкиот мост се уапсени петмина Руси и тројца државјани на Украина и Ерменија, јавуваат руските агенции. ФСБ тврди и дека спречила два од страна на Киев планирани напади врз руска територија.

Во саботата (8.10) Керчкиот мост беше тешко оштетен од експлозија. Притоа загинаа три лица и беше предизвикан голем пожар. Во меѓувреме преку мостот, кој има големо стратешко и симболичко значење, повторно има сообраќај, но протокот на возила и луѓе е само делумен.

ФСБ во своето соопштение, исто како и претходно рускиот претседател Путин, за нападот на мсотот ја обвинува украинската воена тајкна служба и зборува за „терористички напад“. Според ФСБ, транспорот на експлозивот до мостот бил наводно координиран од агент во Киев.

- повеќе: Дали „бугарска трага“ води до експлозија на Керчкиот мост?

По експлозијата на мостот, Русија реагираше со ракетни напади врз Киев и други украински градови, при што, според украински наводи, загинаа 19 луѓе, а повредени се повеќе од сто.