САД: На Украина ѝ се испраќаат пари од руски олигарх

Парите запленети од влијателниот руски милијардер Контантин Малофејев одат во американското Министерство за надворешни работи „за поддршка на украинскиот народ“, изјави американскиот министер за правда Мерик Гарланд за телевизијата Си-Ен-Ен. При објавувањето на оваа вест, во Вашингтон престојуваше и украинскиот главен обвинител Андриј Костин. Според него, на Украина ќе ѝ бидат префрлени 5,4 милиони долари (околу 4,7 милиони евра), кои ќе бидат искористени за „обнова“ на земјата.

Гарланд информираше дека имот на Малофејев е запленет во април 2022 година, откако против него е подигнато обвинение за заобиколување на постоечките санкции. Тогаш американското Министерство за правда објасни дека милијардерот се обидел да ги заобиколи санкциите за „тајно“ да купува медиуми во Европа. Малофејев важи за еден од најважните финансиери на проруските сепаратисти во источна Украина.

„Сите Украинци страдаа во оваа војна, на овој или оној начин“, напиша украинскиот обвинител Костин на Твитер во врска со најавениот трансфер на пари од страна на Вашингтон. Според него, „наша обврска е да се погрижиме украинскиот народ да добие обесштетување за вкупната, енормна штета“. Заедно со одговорноста за војната на Русија, оди и тоа „извршителите за платат за нанесената штета“, подвлече Костин.

- повеќе: Мистериозна серија на смртни случаи меѓу руските олигарси

Од почетокот на руската инвазија на Украина, САД донесоаголем број санкции против руски компании или граѓани. Дел од казнените мерки е и замрзнување на имотот во САД на лицата кои се под санкции. Освен тоа, на американските банки им се забранети секакви интеракции со субјектите под санкции.