Барак Обама на азиска турнеја

Малата азиска турнеја е прво патување на Барак Обама во странство откако беше реизбран на функцијата претседател на САД. За време на посетата на Тајланд а потоа и на Мјанмар и Камбоџа , Обама има намера да ги зацврсти стратешките насоки на новата американска надворешна политика , кои подразбираат поголем ангажман во Азија.

Денеска во Тајланд се очекува Обама да разговара со тајландскиот премиер Инглук Шинаватра.

Американскиот претседател утре заминува за Јангон со цел да изрази поддршка на политичките реформи на Мјанмар.

Турнејата на Обама ќе заврши со учество на самитот во Пномпен, Камбоџа на Асоцијацијата на државите од Југоисточна Азија , АСЕАН.