Бегалски камп на поранешна депонија

Местото каде што сега се наоѓа прифатниот центар со децении беше градска депонија. Преку депонијата е нанесен само слој земја. Населението зборува дека тука сѐ почесто се појавуваат гасови, како метан. Границата со ЕУ (Хрватска) е оттаму одалечена само 5 километри, а помеѓу има мински полиња. Тука постои само смрдеа, 3 шатора и резервоари за питка вода. Нема тоалети, тушеви, струја, како ни болничари. Но, се чини дека драматичната состојба во која се наоѓаат мигрантите во кампот на Вучјак  како и нивниот апел за итна помош не го засега никого. За тоа сведочи и следнава фотогалерија на Дирк Планерт: