Бесплатен јавен превоз против загадувањето
6 февруари 2017
Скопјани се задушија. Само за време на викендот, загадувањето во делови на градот беше 24 пати над дозволеното, што е апсолутен рекорд. Градските власти донесоа одлука од утре јавниот превоз да биде времено бесплатен. Бесплатното возење во автобусите на ЈСП и во приватните автобуси ќе трае сѐ до моментот на намалување на загаденоста на воздухот. Ова е една од мерките и препораките поради енормната загаденост на воздухот во главниот град, кои денеска ги сопшти градоначалникот на Скопје, Коце Трајановски.
Граѓаните сепак бараат одговорност и долгорочно ефикасни мерки за справување со овој сериозен проблем, од кој годишно умираат најмалку 1300 луѓе. Повеќе за грижите и барањата на Скопјани во однос на загадувањето на воздухот во градот, во следнава анкета, снимена денеска на улиците на главниот град: