Урнатини и страв

Во средна Италија по тешкиот двоен земјотрес од средата вечер се случија уште повеќе од 500 потреси.

Некои планински села беа речиси целосно уништени од земјотресите. Со оглед дека многу куќи се урнаа или се под закана да се урнат, околу 5000 луѓе во моментов живеат во привремени сместувалишта. Италијанската влада додели 40 милиони евра итна помош за погодените подрачја. Покрај тоа вонредната состојба која е во сила уште од катастрофалниот земјотрес кој го погоди истиот италијански регион во август и во кој загинаа близу 300 луѓе е продолжена. Погодените на тој начин можат полесно да дојдат до итно неопходната помош. 

Погледнете ги снимките од дрон од најтешко погодените подрачја од земјотресите во средна Италија, каде и денеска интензивно продолжуваат работите на расчистување на урнатините:

Инаку во земјотресите кои ја погодија средна Италија во средата вечер иако предизвикаа огромни материјални штети, немаше загинати. Со оглед дека за време на првиот земјотрес со интензитет од 5,4 степени според Рихтеровата скала луѓето сѐ уште беа будни и веднаш ги напуштија своите домови, вториот уште посилен земјотрес со магнитуда од 6,1 го доживеаја на отворено. Според досегашните информации само едно постаро лице починало за време на земјотресите од инфаркт.