Кина отвори „канцеларија за безбедност“ во Хонконг

Кина денеска отвори канцеларија во Хонгконг која ќе истражува и процесуира кривични дела кои се сметаат за закана за националната безбедност. Со високи мерки на безбедност на отворањето присуствуваа претседателката на владата на Хонгконг, Кери Лам, и претставници на Комунистичката партија на Кина.

По церемонијата со кревање на знамето, Лам ја откри плочата со името на бирото.Пред малку повеќе од една недела Кина усвои нов контроверзен закон за национална безбедност во Хонгконг поради што централната влада беше критикувана дека ја нарушува автономијата на овој финансиски центар.

Овој закон е реакција на Пекинг поради огромните демонстрации во 2019 година во оваа кинеска автономна територија против централните власти, на кои имаше насилство, вандализам и кои ја засилија сепаратистичката струја на оваа територија. Со законот за национална безбедност е забрането сѐ што се смета за сецесионистичко, суберзивно или терористички активности, а забрането е и странско мешање во внатрешното работење на Кина.

Повеќе:

-Хонг Конг: Загрозен статусот на финансиски центар

-Кина воведува санкции против САД поради Хонгконг

-Хонгконг: Демократите слават, Кина се заканува

Критичарите сметаат дека овој закон е напад по принципот „една земја, два система“, во рамки на кој Кина му вети на Хонгконг висок степен на автономија и слобода. Повеќето социјални мрежи соопштија дека веќе нема да одговараат на барањата на властите на Хонгконг да им доставуваат информации за своите корисници поради почитување на слободата за изразување.

Според членот 43 од новиот закон, полицијата може на сите компании кои пружаат мултимедијални и комуникациски услуги да им нареди да ги тргнат пораките или содржината „кои ја загрозуваат националната безбедност или ќе доведат до делување кое ќе ја загрози националната безбедност“. Компаниите кои тоа ќе го одбијат можат да се соочат со казни во износ од околу 12.000 долари или со затворски казни до 6 месеци.