Напад во старото градско јадро на Ерусалим

Три лица нападнале израелски полицајци во старото градско јадро на Ерусалим. Тие користеле огнено оружје и нож. Притоа се повредени повеќемина полицајци. Двајца од припадниците на полицијата неколку часа подоцна во болница им подлегнаа на повредите. На болничко лекување сѐ уште е еден полицаец со средно тешки повреди. Откако почнале да бегаат во насока на џамијата Ал Акса, младите напаѓачи биле убиени од страна на безбедносните сили, соопшти полицијата. Кај напаѓачите се пронајдени три парчиња огнено оружје. Израелските медиуми јавуваат дека напаѓачите имале израелски лични документи. Според весникот „Хаарец“, израелската тајна служба ги идентификувала тројцата напаѓачи како израелски Арапи од местото Ум ал-Фам, од северот на Израел.

Ова е прв тежок напад со огнено оружје во старото градско јадро на Ерусалим во последните години. Старото градско јадро се наоѓа во Источен Ерусалим, кој е анектиран од Израел. На Ридот на храмовите се наоѓа и џамијата Ал Акса, која се смета за трето по важност светилиште во исламот. По нападот полицијата ги откажа петочните молитви на Ридот на храмовите, на кои вообичаено се собираат илјадници верници. Инцидентите на Ридот на храмовите во минатото често водеа до тензии во целиот регион.