Нова ИРА призна одговорност за смртта на новинарката Мекки

Станува збор за трето апсење во рамките на истрагата за убиството на новинарката. Претходно полицијата во Северна Ирска уапси две момчиња на возраст од 18 и 19 години осомничени за вмешаност во убиството на 29-годишната новинарка, но подоцна ги ослободи. Повеќе детали за причините за денешното апсење на 57-годишната жена, не се наведени.

Во меѓувреме пак, парамилитарната републиканска група Нова ИРА денеска ја презеде одговорноста за смртта на Мекки. Во изјавата за весникот Ајриш тајмс, Нова ИРА упати „искрено извинување на партнерот, семејството и на пријателите на Лира Мекки“.

Повеќе:

-Северна Ирска: Уапсени двајца осомничени за убиството на новинарката

-Новинарка убиена во Северна Ирска

Лира Мекки веројатно ја погодил заталкан куршум кога непознати лица пукаа и фрлаа молотови коктели на полицијата за време на една рутинска контрола во населбата Креган во Лондондери.

Нова ИРА е група републиканци кои не го прифаќааат Договорот кој е постигнат на Велики петок 1998 година.
Со овој договор Ирската републиканска армија (ИРА) го прифати политичкото решение за поделба на власта со унионистите по долгогодишните насилства во кои се убиени над 3.700 луѓе. Во последните месеци е забележан пораст на тензиите во Северна Ирска.