Ново обвинение против докторот кој го лоцираше Бин Ладен
23 ноември 2013
Пакистанскиот доктор Шакил Африди обвинуван дека им помогнал на САД да го пронајдат поранешниот лидер на Ал Каеда, Осама Бин Ладен, сега е и официјално обвинет за убиство во текот на операција за која пакистанските власти тврдат оти не смеел да ја изведува.
Според соопштението, Шакил Африди (на фотографијата), кој во затвор чека на ново судење во врска со убиството на Бин Ладен, е обвинет дека во 2006. извел операција на слепо црево врз едно дете кое набрзо починало поради компликации. Мајката на детето поднела тужба против Африди.
Пред неколку месеци, пакистанскиот правосуден комесар ја преиначи пресудата за Африди за неговата улога во убиството на Бин Ладен, откако првично беше осуден на 33 години затвор.
Американскиот Стејт Департмент изрази загриженост поради новиот процес против Африди.
„Помошта на доктор Африди во утврдувањето на локацијата на Бин Ладен беше услуга за целиот свет, а посебно за Пакистанците кои ги загубија своите најблиски и страдаа поради Ал Каеда“, изјави портпаролката на Стејт Департментот Џенифер Псаки.