Фотографија на денот: Снемува пиво

Побарувачката во првите недели „ги надмина сите прогнози“, вели Фил Урбан, шеф на најголемиот ланец пабови „Мичел и Батлерс“. Доставувачите не се во состојба да ја задоволат доволно брзо побарувачката, па во најпосетените пабови сега се доставува пиво од сопствените залихи, додава Урбан. Дел од големите производители на пиво сега работат 24 часа, а малите независни производители немаат доволно персонал за да го зголемат значително своето производство.

Англиските пабови ги отворија своите тераси на средината од април, а во Шкотска и Велс тие беа отворени минатата недела. Според анализа на Оксфорд Маркет Воч, прометот во првата недела по разлабувањето на мерките во Англија бил за цели 12% поголем од истиот период во 2019 година, иако засега да се работи може само во делот од угостителските објекти кој е на отворено.