Поранешен руски шпион веројатно отруен во Англија
6 март 2018
Според полицијата, во Солсбери, град кој се наоѓа југозападно од Лондон, човек на возраст од 60 до 70 години и на жена на возраст од 30 до 40 години се префрлени во единицата за интензивна нега во локалната клиника, откако била пронајдени онесвестени на клупа во трговскиот центар во градот. Според инфромациите на полицијата, и двете биле префрлени во болница поради сомневање за труење од „непозната супстанција".
Според Би-Би-Си и други британски медиуми, пронајдениот маж веројатно е 66-годишниот Сергеј Скрипал, поранешен полковник на руската воена разузнавачка служба. Тој работеше за Британците и во 2006 година во Русија беше осуден на 13 години затвор за шпионажа за Велика Британија. Во 2010 година, тој дојде во Обединетото Кралство по размената на затвореници. Британскиот весник „Гардијан" објави дека Скрипал бил отруен со силниот опијат фентанил.
Случај кој потсетува на убиството на Литвиненко
Случајот ги враќа сеќавањата на смртта на поранешниот руски разузнавачки разузнувач и критичар на Кремљ, Александар Литвиненко, кој почина од труење со полониум во лондонска болница во 2006 година. Во извештајот на британските истражни органи беше наведено дека убиството веројатно било нарачано од страна на руската тајна служба ФСБ и одобрено од претседателот Владимир Путин - обвинение што до ден-денес продолжува да ги оптоварува руско-британските односи. Русија ги отфрла ваквите обвинувања.
Повеќе:
-Британскиот суд фактички му пресуди на Путин
-Путин веројатно го одобрил убиството на Литвиненко
Во однос на потенцијалното труење во Солсбери, полицијата говори за „сериозен инцидент" во чија истрага се вклучени цела редица безбедносни служби. Сѐ уште е нејасно дали станува збор за казнено дело. Двајцата пациенти се наоѓаат во животна опасност. На телевизиските екрани, можеа да се видат лица во заштитни костуми како го расчистуваат местото на кое беа пронајдени отруените лица. Полицијата во соопштение истакна дека екстремно сериозно ги сфаќа инцидентите од ваков вид, но оти сепак, не постои никаква опасност за јавноста.