Талат Џафери избран за претседател на Собранието

Со 62 гласа „За“, во драматична и хаотична атмосфера во македонското Собрание, предмалку пратениците од мнозинството го избраа Талат Џафери за претседател на Собранието. Ваквиот чекор веќе го најави лидерот на СДСМ, Зоран Заев на прес-конференција попладнево. 
Пратениците на ВМРО-ДПМНЕ со извици „предавници“ и пеење на македонската химна се обидоа да го спречат изборот. 
На изборот му претходеше тензична состојба откако речиси сите пратеници останаа во салата и покрај тоа што претседавачот Трајко Вељановски го прекина продолжението на конститутивната седница. До прекинот дојде откако пратениците најпрво ја пееја државната химна, потоа и еден од пратениците Албанци ја испеа албанската химна, а на крајот, од ВМРО-ДПМНЕ бараа „избори“ а од мнозинството „гласање“.