Унгарија не го дава Груевски
7 октомври 2019
Никола Груевски останува во Унгарија откако тамошните власти го одбија и второто барање за негова екстрадиција. Судот во Унгарија во јуни годинава го одби барањето за израчување на експремиерот кој се бараше за издржување двегодишна затворска казна за случајот „Тенк“. Овојпат, унгарските власти го одбија и новото барање кое беше поврзано со обвинувањето за Груевски за насилниот упад во Собранието на 27 април 2017 година.
Унгарскиот суд заклучил дека Груевски не може да биде екстрадиран затоа што веќе му е одобрен азил во земјата.
Груевски избега од С. Македонија во ноември 2018 година. Преку Албанија, Црна Гора и Србија, и со користење на унгарски дипломатски пасаван тој тогаш успеа да стигне до Будимпешта, каде подоцна му беше одобрен и азил. Оттогаш Груевски не се враќа во земјата, а најчесто преку Фејсбук испраќа политички пораки и тврди дека е жртва на политички монтирани процеси.