Фејсбук ja укинувa опцијата за препознавање лица

Компанијата Фејсбук од неодамна преименуван во Мета денеска објави дека го гаси својот систем за препознавање лица, кој автоматски ги идентификува корисниците на фотографиите и на видео снимките и оти ќе избрише снимки од лица на повеќе од милијарда луѓе.

Џером Песенти, потпретседател за вештачка интелегенција на Мета, рече дека компанијата се обидува да ги одмери позитивните случаи за употреба на технологијата за препознавање лица поради растечката социјална загриженост, особено со оглед на тоа оти регулаторите треба да дадат јасни правила во оваа област.

Компанијата во 2019 година ја запре праксата за користење на софтверот за препознавање лица за идентификување на пријатели корисници на поставени фотографии и предлози за автоматско „тагирање“, а поради оваа функција, Фејсбук беше тужен во американската сојузна држава Илиноис.

Повеќе: Фејсбук: Нов скандал околу заштитата на податоците на корисниците?

Некои градови во САД им забранија на полицијата и на другите локални власти да го употребуваат софтверот за препознавање лица, а Сан Франциско во 2019 година стана првиот американски град кој ја забрани оваа технологија, по повеќегодишните критики од поборниците за приватност, заштита на податоците и граѓанските слободи.