Да се спаси барем нешто пред налетот на огнот

Ситуацијата со пожарите во Грција, како и во соседните земји на Балкан, Северна Македонија, Бугарија, и натаму се заострува. На многу места пожарите се локализирани, но во исто време избиваат нови или пак наново се разгоруваат и шират постојните.

Во регионот северно од Атина жителите од повеќе населби се повикани да го напуштат регионот. Полицијата оди од куќа во куќа за никој да не остане заборавен. Пред налетот на пламените јазици луѓето ги напуштаат домовите со она што мислат дека им е највредно или што можат да го земат.

Во последните 24 часа во Грција избувнале 86 нови пожари. Дури и на километри оддалеченост, се гледаат пламени јазици и се чувствува мирис на чад, велат жителите.