Шарена герила блокираше крстосници во Скопје

Членовите на Шарената револуција од денеска ги заоструваат протестите во главниот град. Десетици демонстранти попладнево го блокираа сообраќајот на три важни крстосници во Скопје: кај Соборниот Храм, кај ТЦ Мавровка и кај седиштето на Црвениот крст во Центар.

Според информации на ДВ, од Шарената револуција одлучиле на порадикални чекори поради постојаниот притисок врз нивните членови и сѐ почестите покани за информативни разговори и апсења на демонстранти од страна на полицијата.

Изразување на граѓанското незадоволство се очекува да продолжи на нови начини и во следните денови, а кулминацијата може да се очекува на крајот на неделава.