Што предвидува членот 313 од Кривичниот законик
28 ноември 2017
Македонското Јавно обвинителство денеска соопшти дека гони 36 лица за насилничкиот упад во Собранието на 27 април годинава. Меѓу приведените во утринската акција на полицијата се и поранешниот министер за внатрешни работи и директор на Бирото за јавна безбедност Митко Чавков, други припадници на МВР, неколкумина пратеници, како и јавни личности и актери. Согласно Кривичниот закон, доколку бидат прогласени за виновни се соочуваат со затворска казна од најмалку 10 години.
- Еве што предвидува членот 313 од Кривичниот законик:
„Тој што со намера да го загрози уставниот поредок или безбедноста на Република Македонија ќе предизвика или сериозно ќе се закани со предизвикување експлозија, пожар, поплава или друго општоопасно дејствие или акт на насилство, создавајќи чувство на несигурност или страв кај граѓаните, ќе се казни со затвор најмалку десет години. “
Од Обвинителството информираат дека ја завршиле предистражната постапка за случајот.