Ќе престане ли некогаш пукањето во Украина?

Примирје во Украина. На линијата на фронтот пукаат едните, возвраќаат другите. Сергеј „Крест“, кој командува со бунтовнички баталјон, за украинската армија вели:

„Пукаат речси секојдневно, и дење и ноќе. Нема мир.“

Бунтовниците се имаат вкопано во близина на Доњецк. Велат дека тука се водат борби цело време, и покрај договорот од Минск.

ОБСЕ ги набљудува борбите. Од набљудувачикте места поставени на височина постојано гледаат како се крши примирјето.

Александер Хуг, заменик шеф на набљудувачката мисија на ОБСЕ за Украина, оценува:

„Тензијата на двете страни е многу голема, довербата е рамна на нула. Во ваква ситуација не е потребно многу за конфликтот да избие повторно.“

Жителите во близина на линијата на фронтот речиси имаат згаубено надеж. Тука постојано удираат куршуми.

Сопруг от на Нина Доњцк бил пред вратата кога удрила граната. На повредите им подлегнал непосредно потоа. За луѓето кои живеат тука нема бегање, ниту пак примирје.

„Не, не постои. Луѓе умираат, како може вакво нешто да се нарече примирје? Тоа би требало да значи дека воопшто не се пука“, вели Нина Доњецк.

Бунтовниците тврдат дека се подготвени за преговори, но прво сакаат да бидат сфатени сериозно од страна на владата.

На фронтот, пак тие веќе се подготвуваат за наредната борба.