Reportazhe interesante në Europeo:
Moldavi: Spitalet në Ukrainë u duhet të përballojnë një fluks të madh pacientësh që nga fillimi i luftës, mjekët aty kanë nevojë për çdo lloj ndihme të kualifikuar, si ajo e kirurgut moldav, Ilie Suharshi. Një herë në muaj ai largohet për një javë nga familja e tij në Moldavi për të punuar vullnetarisht në spitalet ukrainase. Një sakrificë, që mjeku moldav thotë se do ta bëjë deri sa të marrë fund lufta.
Sanksionet kundër Rusisë: Bashkimi Europian ka vendosur një seri sanksionesh kundër Rusisë, që me fillimin e agresionit kundër Ukrainës. Edhe në përvjetorin e dytë të luftës u vendos një paketë e re sanksionesh. Qëllimi: dobësimi i ekonomisë ruse që Putinit t'i mbarojnë rezervat për të financuar luftën në Ukrainë. Por si paraqitet gjendja e ekonomisë ruse sot dhe sa efekt kanë pasur sanksionet?
Hoteli në Uealls: Kush e dëgjon thotë ndoshta ç'është kjo ide e krisur - të ndërtosh një hotel 419 metra thellën nën tokë, por Miles Moulding dhe ekipi i tij i pëlqejnë sfidat. Në hotelin më të thellë në botë mund të flenë 10 persona, ai është ndërtuar në një ish-minierë të Uellesit britanik, por aventura nuk është për ata që kanë frikë -reporterja e DW psh ia doli me guxim të përballojë udhëtimin në thellësitë e nëntokës.
Dirigjenti 23 vjeçar: Kush drejton një orkerstër simfonike duhet të gëzojë edhe respektin e muzikantëve - por si ia del një 21 vjeçar të ngjisë kaq herët shkallët e karrierës si dirigjent. Tarmo Peltokoski është finlandez, me 23 vjeç ai u zgjodh në krye të Orksetrës Simfonike Kombëtare të Letonisë -si dirigjenti më i ri në botë me një dashuri të madhe profesionale- Richard Wagnerin.