080408 Petraeus Irakbericht

Kur gjenerali Petraeus të dalë në raport sot para senatit amerikan, do ta dëgjojnë me shumë vëmendje edhe ushtarët e vet. Pesë vjet pas misionit pa ndërprerje në Irak, shumë kanë humbur durimin. Si rreshteri Michael Leo që ka shërbyer dy vjet në Irak, larg familjes dhe dy fëmijëve. Ai është i nervozuar: "Kam një fëmi shtatë dhe dhjetëvjeçar...dhe më falni!

Michael Leo përpiqet të përmbahet. Është e padurueshmë t'i dëgjosh fëmijët gjithmonë në telefon. "Dhe ai shikimi në sytë e tyre, kur ju thua se duhet të ikësh prapë!"

Gjenerali Petreaus është i vetëdijshëm për hallet që sjell shërbimi ushtarak në Irak. Ai e vë theksin tek sukseset e arritura: "Kemi arritur të kemi përparime në siguri. Por dua të shtoj se ky është një përparim i brishtë dhe i thyeshëm."

Petreaus do të kërkojë uljen e kohës së shërbimit në Irak nga 15 muaj në 12 gjithsej. Askush në Uashington nuk pret që gjenerali të propozojë kthimin e më shumë ushtarëve në shtëpi se sa ishte planifikuar.

Në këtë pikë ai ka përkrahjen e presidentit Bush: "Rritja e trupave po sjell fryte. E di që disa vetë nuk duan ta pohojnë këtë. Por terroristët e kuptojnë që përforcimet tona po kanë ndikim."

Si presidenti ashtu edhe kandidati republikan, Xhon Mekkein nuk lodhen së lëvduari sukseset në Irak. Por edhe ata e dinë se në Irak po zhvillohen luftime të ashpra mes ushtrisë irakiane dhe trupave shiite. Për shkak të gjendjes tepër të pastabilizuar të sigurisë që të dy paralajmërojnë për tërheqjen e parakohshme të trupave.

Sipas Xhon Mekeinit ata që nuk ja idenë e drejtimit dihen: janë kandidatët demokratë Barak Obama dhe Hillary Klinton. Ashtu si Xhon Mekein edhe dy kandidatët demokratë nuk do të lënë t'ju shpëtojë rasti nga dora, të pyesin gjeneralin Petraeus në atë mënyrë që efekti mediatik të jetë sa më i madh.

Madje një shou të tillë do ta ndjekim me interes të madh amerikanët.