Marok: Vazhdon kërkimi për të mbijetuar nga tërmeti

Autoritetet marokene njoftuan se si numri të vdekurve prej tërmetit edhe numri i të plagosurve i kanë kaluar shifrat e 2.000 vetëve. Po ashtu njoftohet se përpjekjet e trupave të shpëtimit për kërkimin e të mbijetuarve po vazhdojnë. Nga të paktën 2.059 vetë të plagosur nga tërmeti 1.404 janë në gjendje kritike.

Ministri i Jashtëm i Spanjës, Joe Manuel Albares, tha se Spanja do të dërgojë në Marok ekipe kërkim-shpëtimi prej 65 anëtarësh për të ndihmuar në kërkimin e të mbijetuarve, si dhe ndihma të tjera. Albares tha se në orët e para të së dielës kishte marrë një telefonatë nga homologu i tij maroken qe kishte kërkuar ndihmë.

Hossam Elsharkavi, zyrtar i lartë i Kryqit të Kuq për rajonin, tha për DW se për të pasur një pamje të qartë të dëmeve njerëzore dhe materiale mund të nevojitet e gjithë fundjava, apo edhe pak më shumë.

Mjaft vendet në pritje të kërkesës për ndihmë nga Maroku

Mjaft vende i kanë ofruar ndihmë Marokut për pas tërmetit vdekjeprurës. "Franca është gati të ofrojë ndihmën e saj për Marokun nëse Maroku mendon se ka nevojë për një ndihmë të tillë”, tha presidenti francez Emmanuel Macron gjatë samitit të G20 në Nju-Delhi. Deri tani Maroku i nuk ka bërë Francës kërkesë për ndihmë.

Edhe ekipet e shpëtimit të Agjencisë Federale të Gjermanisë për Ndihmën Teknike (THW) janë gati për t'u vendosur në Marok, tha një zëdhënës i kësaj agjencie. Por ai shtoi se se ata "nuk mund të nisen" derisa Rabati të bëjë një kërkesë zyrtare.