Në Turqi inagurohet centrali i parë atomik

Nën drejtimin e kompanisë shtetërore ruse Rosatom u ndërtua në Mersin centrali i parë bërthamor turk, i cili u inaugurua në kuadër të fushatës elektroale në Turqi. Presidenti Rexhep Tajip Erdogan mori pjesë në ceremoninë e inagurimit me video për shkak se është i sëmurë.

Në ceremoninë e dorëzimit të shufrave me lëndë radioaktive që do të përdoren në centralin bërthamor Akuyu në Turqinë jugore, morën pjesë Presidenti turk Rexhep Tajip Erdogan dhe homologu i tij rus Vladimir Putin - megjithëse asnjëri prej tyre nuk mori pjesë personalisht, por vetëm përmes internet.

Inaugurimi ishte parashikuar si një nga eventet më të rëndësishme të Erdoganit gjatë fushatës për presidentib, por për shkak të sëmundjes ai mundi të lidhej vetëm me video.

Garë kokë më kokë mes Erdoganit dhe Kemal Kilicdaroglu

Zgjedhjet presidenciale dhe parlamentare zhvillohen pas dy javësh. Deri tani sondazhet parashikojnë një garë kokë më kokë mes Erdoganit dhe kandidatit të opozitës Kemal Kilicdaroglu, ose një fitore për Kilicdaroglun.

Gjatë inaugurimit Erdogani iu drejtua kombit: "Vendi ynë është ngjitur në grupin e kombeve me energji bërthamore, ndonëse me një vonesë 60-vjeçare”, tha kreu i shtetit turk.

Sipas Erdoganit të gjithë reaktorët e centralit atomik pritet të vihen në punë gradualisht deri në vitin 2028. Centrali bërthamor do të mbulojë rreth dhjetë për qind të konsumit të energjisë elektrike të vendit. 

Gjatë fjalimit të tij Erdogani qe ulur në tavolinën e tij në pallatin presidencial në Ankara dhe dukej dukshëm i mërzitur. Një ditë më parë atij iu desh që për shkak të sëmundjes të anulonte disa takime elektorale. Ministri i Shëndetësisë Fahrettin Koca tha se Erdogani ishte "gastroenterit infektiv”. Në fillim të javës, kreu i shtetit turk ndërpreu një intervistë live në televizion. Ai më pas tha se kishte kontraktuar një stomak të mërzitur në fillim të javës.

Putini vlerëson Erdoganin

Gjatë ceremonisë u lidh përmes video-konferencës edhe edhe shefi i Kremlinit, Vladimir Putin.  Ai e vlerësoi Erdoganin, si person që kishte bërë shumë për të zgjeruar marrëdhëniet turko-ruse.

Ndërtimi i termocentralit bërthamor është një "shembull bindës". Përveç kësaj, Putin ofroi të ndihmonte për të kapërcyer pasojat e tërmetit të rëndë në shkurt. Qeveria turke po përballet me probleme të vështira sociale që duhen zgjidhur. Por Moska është e gatshme ta ndihmojë Ankaranë për këtë çështje, siguroi presidenti rus.