AfD na matumaini ya kushinda uchaguzi wa Brandenburg

Chama cha siasa kali za mrengo wa kulia cha Ujerumani AfD kina matumaini ya kushinda kinyang'anyiro kikali dhidi ya chama cha Social Democrats cha Kansela Olaf Scholz katika uchaguzi wa jimbo la Brandenburg.

Chama hicho mbadala kwa Ujerumani kinachopinga wahamiaji, kwa muda mrefu kimeikosoa serikali ya muungano ya Kansela Scholz ambayo inakabiliwa na uchaguzi wa kitaifa ndani ya mwaka mmoja.

Katika uchaguzi wa leo wa jimbo la Brandenburg, AfD inalenga kupata mafanikio makubwa kama yale yaliyopatikana wiki tatu zilizopita, kiliposhinda uchaguzi wa jimbo la Thuringia na kushika nafasi ya pili katika jimbo jingine la Saxony.

Ushindi katika mji wa Brandenburg, unaozunguka mji mkuu Berlin, utazidisha shinikizo kwa chama cha mrengo wa kushoto cha SPD ambacho kimetawala jimbo hilo tangu mwaka 1990.