Ajali ya basi yauwa 14 Ufilipino

Basi hilo la abiria lililokuwa likitoka katika mkoa wa Iloilo, liliacha njia siku ya Jumanne (Disemba 5) na kuangukia kwenye korongo katika mji wenye milima mingi wa Hamtic katika Jimbo la Antique.

Mtoto mmoja ambaye hakutambulika ni miongoni mwa waliopoteza maisha katika ajali hiyo.

Soma zaidi: Manila yasema meli za China ziligonga kwa makusudi boti za Ufilipino

Mamia ya waokoaji, wakiwemo polisi, askari jeshi na watoa huduma za dharura, walishirikiana kwa masaa kadhaa katika zoezi gumu la kuwaokoa manusura.

Usiku wa Jumanne, mamlaka zilitangaza kusitisha zoezi la uokozi lakini wakawataka raia kutoa taarifa ikiwa maiti zaidi zitapatikana eneo hilo.

Ajali mbaya za gari hutokea mara kwa mara nchini Ufilipino kutokana na kutoheshimu sheria za uendeshaji, magari na barabara mbovu hasa katika maeneo ya milimani.