Algeria yapendekeza miezi sita ya mpito Niger

Ahmed Attaf ametoa pendekezo lake hilo jana baada ya ziara yake ya wiki iliyopita katika nchi tatu ambazo ni majirani wa Niger. Waziri huyo wa mambo ya nje wa Algeria ameurudia msimamo wa nchi yake kwamba haitokubali uvamizi wa kijeshi nchini Niger na kwamba haitokubali pia anga yake kutumika na majeshi ya Jumuiya ya Kiuchumi ya Afrika Magharibi ECOWAS.

Licha ya pendekezo hilo, kiongozi wa mapinduzi wa Niger Abdourahamane Tiani anataka muda wa mpito wa hadi miaka mitatu.