Boko Haram wauwa tena Maiduguri

Watu wengine wanane walijeruhiwa kwenye mashambulio mawili yaliyotokea katika mji wa Mafa ulio kilomita 50 kutoka kwenye mji wa Maiduguri ambao ni mji mkuu wa jimbo la Borno, kaskazini mashariki mwa Nigeria.

Mkuu wa kitengo cha usalama wa jimbo la Borno, Bello Danbatta, ameliambia shirika la habari la AFP kwamba washambuliaji hao waliingia kwenye mji wa Mafa wakiwa miongoni mwa wanawake waliokuwa wamekwenda kutafuta kuni.

Kundi la Boko Haram linaloshukiwa kuhusika na mashambulio hayo limekuwa linafanya mashambulizi kwa kipindi cha miaka kumi sasa katika eneo hilo la kaskazini mashariki mwa Nigeria na mara nyingi limekuwa linawatumia wanawake  kuanya mashambulio ya kujitoa mhanga katika maeneo kama vile misikiti, masoko na kwenye vituo vya usafiri.