Kane wa Bayern atupia hat trick dhidi ya Augsburg

Ushindi huo umeutanua mwanya wa Bayern kileleni na pointi nane kabla ya kuchezwa mechi nyingine za duru ya 11. Kane anaongoza katika ufungaji magoli kwenye ligi baada ya kufikisha 14. Mshambuliaji huyo wa England ndiye mchezaji wa kasi kufikisha mabao 50 katika Bundesliga katika mechi yake ya 43.

Hata hivyo, kocha Vincent Kompany anapaswa kuwa na wasiwasi kwamba timu yake inaendelea kupata changamoto ya kufunga mabao katika mechi ambazo inazitawala. Bayern iliifunga St. Pauli katika mechi iliyopita 1 – 0. Timu hiyo ya Kompany ilisubiri hadi dakika za jioni kabisa kabla ya Kane kuhakikisha ushindi kupitia penalti yake ya pili ya mchezo. Dakika mbili baadae, Kane alifunga kwa kichwa. “Ilibidi tuwe wavumilivu,” alisema Kane. “Na katika kipindi cha mapumziko, hicho ndicho tulikisema, kuendelea kufanya tunachokifanya uwanjani. Tulikuwa na nafasi chache katika kipindi cha kwanza na tulihitaji tu kuwa makini mbele ya lango bila shaka, na bahati nzuri tulipata penalty na kisha tukaufungua mchezo.”

Soma pia: Bayern Munich yaendeleza kujiimarisha katika Champions

Bayern sasa itaialika Paris Saint-Germain katika Ligi ya Mabingwa Jumanne wiki ijayo, kisha Borussia Dortmund ugenini katika Bundesliga wikiendi ijayo kabla ya mabingwa watetezi Bayer Leverkusen kuwatembelea katika duru ya tatu ya Kombe la Shirikisho la Ujerumani - DFB Pokal. 

ap