Mashambulizi ya Uturuki yauwa wawili kaskazini mwa Iraq

Haya ni kwa mujibu wa vyanzo viwili vya usalama nchini Irak. Wizara ya ulinzi ya Uturuki imesema, usiku wa kuamkia leo, majeshi yake yamefanya mashambulizi kaskazini mwa Irak na Syria na kuwauwa wanamgambo sita nchini Irak na saba huko Syria. Wizara hiyo haikusema ni eneo gani lililolengwa na mashambulizi hayo na haijakuwa wazi iwapo ilikuwa inazungumzia shambulizi hilo hilo la kaskazini mwa Irak lililoripotiwa na vyanzo hivyo vya usalama Irak. KwakawaidaUturuki hufanya mashambulizi ya angani na operesheni za kuvuka mpaka wake nchini Irak, katika mashambulizi yanayolenga chama ilichokipiga marufuku cha PKK kilicho katika eneo la milimani la kaskazini mwa Irak.