Rwanda yaishutumu Kongo kwa kukiuka makubaliano

Rwanda imetowa shutuma hizo wakati mvutano kati yake na jirani yake Kongo ukiongezeka.  Kigali imetowa taarifa ikisema kitisho kinaongezeka na kuituhumu Kongo kwamba inataka kujiondowa kwenye makubaliano yaliyofikiwa mjini Luanda nchini Angola na Nairobi. Taarifa hiyo imeilaumu Kongo kwamba inajaribu kuhujumu makubaliano ya kikanda na hatua hiyo inaweza tu kuonekana kuwa ya makusudi ya kuendeleza mgogoro na ukosefu wa usalama. Mnamo siku ya Jumatano waziri wa mambo ya nje wa Kongo Christophe Lutundula alilituhumu kundi la M23 na serikali ya Rwanda kwamba kwa mara nyingine limeshindwa kutimiza ahadi zao, na kuapa kuwa Kongo itatumia kila njia kuhakikisha usalama wa eneo lake la mashariki.