Scholz kuzungumza na Biden juu ya vita vya Ukraine

Akizungumza katika uwanja wa ndege mjini Berlin muda mfupi kabla ya kuondoka kwenda Washington, Scholz amesema kile kilichoafikiwa Ulaya na katika Bunge la Marekani hakitoshi kwa sasa kwa hiyo lazima kutafuta njia ya kila mmoja kuongeza msaada wao.

Scholz ataanza ziara yake na hafla ya chakula cha jioni na wabunge kutoka pande zote za kisiasa. Ijumaa asubuhi atakuwa na dhifa ya kifungua kinywa na viongozi wa kibiashara wa Marekani kabla ya kukutana na Biden saa za mchana.

Soma zaidi: Biden and Scholz kujadiliana juu ya msaada mpya kwa Ukraine

Ukraine ambayo inazidiwa katika mbinu na silaha kwenye uwanja wa mapambano katika vita ambavyo vinaelekea mwaka wake wa tatu, inawategemea pakubwa washirika wake wa Magharibi kwa msaada wa kijeshi na kifedha.

Scholz pia atajadili vita vya Israel na Hamas vinavyoendelea kutokota katika Ukanda wa Gaza.