Ujerumani kuongeza doria mpaka wa Poland na Jamhuri ya Czech

Ujerumani imetangaza leo mpango wa kuongeza doria ya polisi kwenye njia zinazotumika kuwasafirisha wahamiaji kinyemela kwenye mpaka wake na mataifa mawili jirani ya Poland na Jamhuri ya Czech. 

Hatua hizo mpya zimetangazwa na Waziri wa Mambo ya Ndani Nancy Faeser akizitaja kuwa juhudi za kuzuia wimbi la wahamiaji kuingia Ujerumani kwa njia za magendo. 

Soma pia:Ujerumani: Watu wahama kutoka mijini kwenda vijijini

Hata hivyo waziri huyo hajaweka wazi idadi ya maafisa wa ulinzi watakaopelekwa kwenye eneo hilo la mipaka lakini amesisitiza hapataanzishwa vituo vya kudumu vya upekuzi.