Ukraine: Droni zilizodunguliwa zaharibu miundombinu muhimu

Sehiy Tiurin, afisa wa ngazi ya juu katika jimbo la Khmeinytskiy amesema kufuatia kudunguliwa kwa droni za Urusi, vifusi vilianguka kwenye miundombinu muhimu katika wilaya ya Shepetivka, na kuharibu majengo wanakoishi watu, na pia magari.

Ameongeza kwamba takriban watu 16 walitafuta matibabu baada ya kujeruhiwa.

Jeshi la Ukraine lilisema kupitia ukurasa wake wa Facebook kwamba vikosi vyake vya angani vilidungua droni zote 11 za Urusi zilizorushwa usiku.

Soma pia:Ukraine yadungua droni na makombora yaliyorushwa na Urusi

Kwingineko, waziri wa Ulinzi wa Urusi Sergei Shoigu amefanya ziara ya nadra eneo la mapambano nchini Ukraine kuwatembelea wanajeshi wake na kufanya mkutano nao kwenye eneo maalum la kijeshi.

Hayo yamethibitishwa na Wizara ya Ulinzi ya Urusi kwenye ukurasa wake wa telegram.

Hata hivyo haikubainika wazi ikiwa kweli eneo hilo alikozuru liko ndani ya mipaka ya Ukraine.